Qatynyńdy menen artyq sanadyń, 
Sýyq tamǵa meni ákelip qamadyń. 
Qatynyńa qymbat kóılek áperseń, 
Jyrtyǵymdy ózim tigip, jamadym.

Jasym bolsa toqsan birge taıady, 
Maǵan endi kimder qushaq jaıady. 
Ulym - aý sen tanymastaı ózgerdiń, 
Qaıda ketti qamqor ulym baıaǵy.

Nemeremdi súıý arman boldy ǵoı, 
Kóńilimde sherde qaıǵy toldy ǵoı. 
Jata jata jambasymda aýyryp, 
Keýdemdegi júrek sorly soldy ǵoı.

Anań baıqus ótti-aý saǵan jaltańdap, 
Al sen bolsań júrsiń qazir taltańdap. 
Inabatty kelin bolar dep edim, 
Osy ma edi alǵanyń seniń jar tańdap.

Bulaı meni qınaǵansha, qaraǵym, 
Ózim-aq men qarttar úıine baramyn. 
Qajet deseń eger ulym sol jaqta, 
Sońǵy demim bitkeninshe qalamyn.

Bul ómirden ozyp ketsem, alaıda, 
Quran oqyp, bir qoı soıǵyz qalaı da. 
Ár kún saıyn beıitime kelmeseń, 
Jyl ótse de kelip júrshi, jaraı ma?!

Keshiremin, kektenbeımin, sókpeımin, 
Kóz jasymdy beker endi tókpeımin. 
Dál osy bir toqsan jasta kórgendi, 
Júz jasymdy úmittenip kútpeımin

Bárin aıtyp, ne qylamyn sherimdi, 
Daıyndaı ber barar meniń jerimdi. 
Qaıystyryp alma biraq, ulym-aý, 
Qartaıǵansha myǵym usta belińdi.

©Áskerbek Orazbaı

Usynǵan: Maqpal Sembaı